Sri Nrusimha Saraswathi Ashtakam

శ్రీ నృసింహ సరస్వతీ అష్టకం (Sri Nrusimha Saraswathi Ashtakam)

ఇందుకోటి తేజకర్ణ సింధు భక్తవత్సలం|నందనాత్రిసూను దత్తమిందిరాక్ష శ్రీగురుమ్ |
గంధమాల్య అక్షతాది బృందదేవ వందితం|వందయామి నారసింహ సరస్వతీశ పాహి మామ్ || 1 ||

మోహపాశ అంధకార జాతదూర భాస్కరం | ఆయతాక్ష పాహి శ్రియావల్లభేశ నాయకమ్ |
సేవ్యభక్తబృంద వరద భూయో భూయో నమామ్యహం|వందయామి నారసింహ సరస్వతీశ పాహి మామ్ || 2 ||

చిత్తజారి వర్గషడ్కమత్త వారణాంకుశం|సత్యసార శోభితాత్మ దత్త శ్రియావల్లభమ్ |
ఉత్తమావతార భూతకర్తృ భక్తవత్సలం| వందయామి నారసింహ సరస్వతీశ పాహి మామ్ || 3 ||

వ్యోమ వాయు తేజ ఆప భూమి కర్తృమీశ్వరం| కామక్రోధమోహరహిత సోమసూర్యలోచనమ్ |
కామితార్థదాతృ భక్తకామధేను శ్రీగురుం|వందయామి నారసింహ సరస్వతీశ పాహి మామ్ || 4 ||

పుండరీక ఆయతాక్ష కుండలేందు తేజసం| చండదురితఖండనార్థ దండధారి శ్రీగురుమ్ |
మండలీకమౌళి మార్తాండ భాసితాననం| వందయామి నారసింహ సరస్వతీశ పాహి మామ్ || 5 ||

వేదశాస్త్రస్తుత్యపాదమాదిమూర్తి శ్రీగురుం|నాదబిందు కళాతీత కల్పపాద సేవ్యయమ్ |
సేవ్యభక్తబృందవరద భూయో భూయో నమామ్యహం|వందయామి నారసింహ సరస్వతీశ పాహి మామ్ || 6 ||

అష్టయోగతత్త్వ నిష్ఠతుష్ట జ్ఞానవారిధిం|కృష్ణవేణీ తీరవాస పంచనదీ సంగమమ్ |
కష్టదైన్యదూర భక్తతుష్ట కామ్యదాయకం| వందయామి నారసింహ సరస్వతీశ పాహిమామ్ || 7 ||

నారసింహ సరస్వతీశ నామమష్టమౌక్తికం| హార కృత్య శారదేన గంగాధరాఖ్య స్వాత్మజమ్ |
ధారుణీక దేవదీక్ష గురుమూర్తి తోషకం|ప్రార్థయామి దత్తదేవ సద్గురుం సదావిభుమ్ || 8 ||

నారసింహ సరస్వతీశ అష్టకం చ యః పఠేత్| ఘోర సంసార సింధు తారణాఖ్య సాధనమ్ |
సారజ్ఞాన దీర్ఘ ఆయురారోగ్యాది సంపదాం| చారువర్గ కామ్యలాభ నిత్యమేవ యః పఠేత్ ||

ఇతి శ్రీ గురు చరితామృతే శ్రీనృసింహ సరస్వత్యుపాఖ్యానే సిద్ధనామధారక సంవాదే శ్రీ నృసింహ సరస్వతీ అష్టకం సంపూర్ణం