Home » Chalisa » Sri Lalitha Chalisa

Sri Lalitha Chalisa

శ్రీ లలితా చాలీసా (Sri Lalitha Chalisa)

1. లలితా మాతా, శంభుప్రియా, జగతికి మూలము నీవమ్మా!
శ్రీభువనేశ్వరి అవతారం. జగమంతటికీ ఆధారం.

2. హేరంబునికీ మాతవుగా హరిహరాదులు సేవింప
చండుని ముండుని సంహారం చాముండేశ్వరి అవతారం.

3. పద్మరేకుల కాంతులతో బాలా త్రిపుర సుందరిగా
హంస వాహన రూపిణిగా వేదమాతవై వచ్చితివి.

4. స్వేత వస్త్రము ధరియించి, అక్షర మాలను పట్టుకొని
భక్తి మార్గము చూపితివి. జ్ఞాన జ్యోతిని నింపితివి.

5. నిత్య అన్నదానేశ్వరిగా కాశీపురమున కొలువుండ
ఆదిభిక్షువై వచ్చాడు సాక్షాత్తాపరమేశ్వరుడు.

6. కదంబవన సంచారిణిగా కామేశ్వరుని కళత్రమ్ముగా
కామితార్థప్రదాయినిగా కంచికామాక్షివైనావు.

7. శ్రీచక్ర రాజ నిలయనిగా శ్రీమత్రిపుర సుందరిగా
సిరిసంపదలను యివ్వమ్మా! శ్రీమహాలక్ష్మిగ రావమ్మా!

8. మణిద్వీపమున కొలువుండి, మహాకాళి అవతారముతో
మహిషాసురునీ చంపితివీ. ముల్లోకాలను ఏలితివీ.

9. పసిడివెన్నెల కాంతులతో పట్టువస్త్రపు ధారణలో
పారిజాతపు మాలలలో పార్వతీ దేవిగ వచ్చితివి

10. రక్తవస్త్రమును ధరియించి రణరంగమును ప్రవేశించి
రక్తబీజుని హతమార్చి రమ్యకపర్థినివైనావు.

11. కార్తికేయునికి మాతవుగా, కాత్యాయినిగా, కరుణించి
కలియుగమున మము కాపాడ, కనకదుర్గవై వెలసితివి.

12. రామలింగేశ్వరు రాణివిగా, రవికుల సోముని రమణివిగా
రమా వాణీ సేవితగా రాజరాజేశ్వరివైనావు.

13. ఖడ్గం శూలం ధరియించి, పాశుపతాస్త్రము చేబూని,
శుంభ నిశుంభుల దునుమాడి, వచ్చితివీ శ్రీ శ్యామలగా.

14. మహామంత్రాధిదేవతగా లలితా త్రిపుర సుందరిగా
దరిద్ర బాధలు తొలగించి పరమానందము కలిగించి.

15. ఆర్తత్రాణ పరాయణివే అద్వైతామృత వర్షిణివే.
ఆదిశంకర ప్రపూజితవే. అపర్ణాదేవి! రావమ్మా.

16. విష్ణుపాదమున జనియించి, గంగావతారం ఎత్తితివి
భగీరథుడు నిను కొలువంగా భూలోకానికి వచ్చితివి.

17. అశుతోషునినే మెప్పించి అర్థ శరీరం దాల్చితివి.
ఆది ప్రకృతి రూపిణిగా దర్శనమిస్తివి జగదంబ.

18. దక్షుని యింటను జనియించి సతిగా తనువును చాలించి
అష్ఠాదశపీఠేశ్వరిగా దర్శనమిస్తివి జగదంబ!

19. శంఖ చక్రములు ధరియించి, రాక్షస సంహారము చేసి,
లోక రక్షణ చేశావు. భక్తుల మదిలో నిలిచావు.

20. పరభట్టారిక దేవతగా, పరమ శాంతస్వరూపిణిగా,
చిఱునవ్వులనూ చిందిస్తూ, చెరకుగడను ధరియించితివి.

21. పంచదశాక్షరి మంత్రాధితగా, పరమేశ్వర పరమేశ్వరితో,
ప్రమథ గణములు కొలువుండ, కైలాసంబే పులకించె.

22. సురలు, అసురులు అందరును శిరములు వంచి మ్రొక్కంగా
మాణిక్యాల కాంతులతో నీ పాదమ్ములు మెరసినవి.

23. మూలాధార చక్రములో యోగినులకు అధీశ్వరియై,
అంకుశాయుధ ధారిణిగా భాసిల్లితి శ్రీజగదంబ !

24. సర్వ దేవతల శక్తులచే సత్య స్వరూపిణి! రూపొంది
శంఖ నాదమును చేసితివి. సింహ వాహినిగ వచ్చితివి.

25. మహా మేరువు నిలయనివి మందార కుసుమ మాలలతో
మునులందరు నిను కొలువంగా, మోక్ష మార్గము చూపితివీ.

26. చిదంబరేశ్వరి నీలీల చిద్విలాసమే నీ సృష్టి
చిద్రూపి వర దేవతగా చిఱునవ్వులను చిందించే.

27. అంబా శాంభవీ! అవతారం అమృత పానం నీ నామం.
అద్భుతమైనది నీ మహిమ అతి సుందమూ నీరూపు.

28. అమ్మల గన్నా అమ్మవుగా ! ముగ్గురమ్మలకు మూలముగా !
జ్ఞాన ప్రసూనా ! రావమ్మా! జ్ఞానమందరికి ఇవ్వమ్మా!

29. నిష్టగ నిన్నే కొలిచెదము. నీ పూజలనే చేసెదము.
కష్టములన్నీ కడదేర్చి, కనికరమున మము కాపాడు.

30. రాక్షస బాధలు పడలేక దేవతలంతా ప్రార్థింప,
అభయ హస్తమును చూపితివి. అవతారమ్ములు దాల్చితివి.

31. అరుణారుణపు కాంతులతో, అగ్ని వర్ణపు జ్వాలలలో,
అసురులందరిని దునుమాడి, అపరిజాతవై వచ్చితివీ.

32. గిరిరాజునకుపుత్రికగా నంద నందుని సోదరిగా
భూలోకానికి వచ్చితివి. భక్తుల కోర్కెలు తీర్చితివి.

33. పరమేశ్వరునికి ప్రియ సతిగా, జగమంతటికీ మాతవుగా,
అందరి సేవలు అందుకొని, అంతట నీవే నిండితివి.

34. కరుణించమ్మా లలితమ్మా! కాపాడమ్మా దుర్గమ్మా!
దర్శనమీయగ రావమ్మా! భక్తుల కష్టం తీర్చమ్మా!

35. ఏవిధముగ నిను కొలిచిననూ, ఏ పేరున నిను పిలిచిననూ,
మాతృహృదయవై దయజూపు. కరుణా మూర్తిగ కాపాడు.

36. మల్లెలు మొల్లలు తెచ్చితిమి. మనసును నీకే యిచ్చితిమి.
భక్తులమంతా చేరితిమీ. నీ పారాయణ చేసితిమి.

37. త్రిమాతృ రూపా లలితమ్మా! సృష్టి స్థితి లయ కారిణివి.
నీ నామములు ఎన్నెన్నో! లెక్కించుట మా తరమౌనా?

38. సదాచార సంపన్నవుగా సామ గన ప్రియ లోలినివి.
సదాశివుని కుటుంబినివి. సౌభాగ్యమిచ్చే దేవతవు.

39. ఆశ్రితులంతా రారండి. అమ్మ రూపమును చూడండి.
అమ్మకు నీరాజనమిచ్చి, అమ్మ దీవనలు పొందండి.

40. మంగళ గౌరి రూపమును మనసుల నిండా నింపండి.
మహాదేవికీ మనమంతా మంగళ హారతులిద్దాము.

Sri Lalitha Sahasra Namavali

శ్రీ లలితా సహస్రనామావళిః (Sri Lalitha Sahasra Namavali) ఓం ఐం హ్రీం శ్రీం శ్రీమాత్రే నమః | ఓం శ్రీమహారాజ్ఞై నమః | ఓం శ్రీమత్సింహాసనేశ్వర్యై నమః | ఓం చిదగ్నికుండసంభూతాయై నమః | ఓం దేవకార్యసముద్యతాయై నమః |...

Sri Sai Chalisa

శ్రీ సాయి చాలీసా షిరిడీవాస సాయిప్రభో జగతికి మూలం నీవే ప్రభో దత్తదిగంబర అవతారం నీలో సృష్టి వ్యవహారం త్రిమూర్తి రూపా ఓ సాయీ కరుణించి కాపాడోయి దర్శన మియ్యగరావయ్య ముక్తికి మార్గం చూపుమయా కఫిని వస్త్రము ధరియించి భుజమునకు జోలీ...

Sri Lalitha Moola Mantra Kavacham

శ్రీ లలితా మూలమంత్ర కవచం(Sri Lalitha moola mantra kavacham) అస్యశ్రీ లలితా కవచ స్తవరత్న మంత్రస్య ఆనందభైరవ ఋషిః అమృత విరాట్ చంద: శ్రీ మహాత్రిపురసుందరీ లలితా పరాంబా దేవతా, ఐ బీజం హ్రీం శక్తి: శ్రీం కీలకం, మమ...

Manidweepam

మణిద్వీపం (Manidweepam)  మణిద్వీపం బ్రహ్మలోకానికి పైన ఉంటుంది. దీనిని సర్వలోకమని కూడా అంటారు. మణిద్వీపం కైలాసం, వైకుంఠం, గోలోకం కంటే శ్రేష్ఠంగా విరాజిల్లుతూ వుంటుంది మణిద్వీపానికి నాలుగు వైపులా అమృత సముద్రము విస్తరించి ఉంటుంది. ఆ సముద్రంలో శీతల తరంగాలు, రత్నాలతో...

More Reading

Post navigation

Leave a Comment

Leave a Reply

Your email address will not be published. Required fields are marked *

error: Content is protected !!