శ్రీ పార్వతీ దేవి సహస్ర నామ స్తోత్రం (Sri Parvathi Devi Sahasranama Stotram)
శివోమా పరమా శక్తిరనన్తా నిష్కలాఽమలా ।
శాన్తా మాహేశ్వరీ నిత్యా శాశ్వతీ పరమాక్షరా ॥
అచిన్త్యా కేవలాఽనన్త్యా శివాత్మా పరమాత్మికా ।
అనాదిరవ్యయా శుద్ధా దేవాత్మా సర్వగాఽచలా ॥
ఏకానేకవిభాగస్థా మాయాతీతా సునిర్మలా ।
మహామాహేశ్వరీ సత్యా మహాదేవీ నిరఞ్జనా ॥
కాష్ఠా సర్వాన్తరస్థా చ చిచ్ఛక్తిరతిలాలసా ।
నన్దా సర్వాత్మికా విద్యా జ్యోతీరూపాఽమృతాక్షరా ॥
శాన్తిః ప్రతిష్ఠా సర్వేషాం నివృత్తిరమృతప్రదా ।
వ్యోమమూర్తిర్వ్యోమలయా వ్యోమాధారాఽచ్యుతాఽమరా ॥
అనాదినిధనాఽమోఘా కారణాత్మా కులాకులా ।
స్వతః ప్రథమజా నాభిరమృతస్యాత్మసంశ్రయా ॥
ప్రాణేశ్వరప్రియా మాతా మహామహిషవాసినీ ।
ప్రాణేశ్వరీ ప్రాణరూపా ప్రధానపురుషేశ్వరీ ॥
మహామాయా సుదుష్పూరా మూలప్రకృతిరీశ్వరీ ।
సర్వశక్తికలాకారా జ్యోత్స్నా ద్యౌర్మహిమాస్పదా ॥
సర్వకార్యనియన్త్రీ చ సర్వభూతేశ్వరేశ్వరీ ।
సంసారయోనిః సకలా సర్వశక్తిసముద్భవా ॥
సంసారపోతా దుర్వారా దుర్నిరీక్ష్యా దురాసదా ।
ప్రాణశక్తిః ప్రాణవిద్యా యోగినీ పరమా కలా ॥
మహావిభూతిదుర్ధర్షా మూలప్రకృతిసంభవా ।
అనాద్యనన్తవిభవా పరమాద్యాప కర్షణీ ॥
సర్గస్థిత్యన్తకరణీ సుదుర్వాచ్యా దురత్యయా ।
శబ్దయోనిః శబ్దమయీ నాదాఖ్యా నాదవిగ్రహా ॥
అనాదిరవ్యక్తగుణా మహానన్దా సనాతనీ ।
ఆకాశయోనిర్యోగస్థా మహాయోగేశ్వరేశ్వరీ ॥
మహామాయా సుదుష్పారా మూలప్రకృతిరీశ్వరీ ।
ప్రధానపురుషాతీతా ప్రధానపురుషాత్మికా ॥
పురాణా చిన్మయీ పుంసామాదిపూరుషరూపిణీ ।
భూతాన్తరస్థా కూటస్థా మహాపురుషసంజ్ఞితా ॥
జన్మమృత్యుజరాతీతా సర్వశక్తిసమన్వితా ।
వ్యాపినీ చానవచ్ఛిన్నా ప్రధానానుప్రవేశినీ ॥
క్షేత్రజ్ఞశక్తిరవ్యక్తలక్షణా మలవర్జితా ।
అనాదిమాయాసంభిన్నా త్రితత్త్వా ప్రకృతిగ్రహా ॥
మహామాయాసముత్పన్నా తామసీ పౌరుషీ ధ్రువా ।
వ్యక్తావ్యక్తాత్మికా కృష్ణా రక్తా శుక్లా ప్రసూతికా ॥
అకార్యా కార్యజననీ నిత్యం ప్రసవధర్మిణీ ।
సర్గప్రలయనిర్ముక్తా సృష్టిస్థిత్యన్తధర్మిణీ ॥
బ్రహ్మగర్భా చతుర్వింశా పద్మనాభాఽచ్యుతాత్మికా ।
వైద్యుతీ శాశ్వతీ యోనిర్జగన్మాతేశ్వరప్రియా ॥
సర్వాధారా మహారూపా సర్వైశ్వర్యసమన్వితా ।
విశ్వరూపా మహాగర్భా విశ్వేశేచ్ఛానువర్తినీ ॥
మహీయసీ బ్రహ్మయోనిః మహాలక్ష్మీసముద్భవా ।
మహావిమానమధ్యస్థా మహానిద్రాత్మహేతుకా ॥
సర్వసాధారణీ సూక్ష్మా హ్యవిద్యా పారమార్థికా ।
అనన్తరూపాఽనన్తస్థా దేవీ పురుషమోహినీ ॥
అనేకాకారసంస్థానా కాలత్రయవివర్జితా ।
బ్రహ్మజన్మా హరేర్మూర్తిర్బ్రహ్మవిష్ణుశివాత్మికా ॥
బ్రహ్మేశవిష్ణుజననీ బ్రహ్మాఖ్యా బ్రహ్మసంశ్రయా ।
వ్యక్తా ప్రథమజా బ్రాహ్మీ మహతీ బ్రహ్మరూపిణీ ॥
వైరాగ్యైశ్వర్యధర్మాత్మా బ్రహ్మమూర్తిర్హృదిస్థితా ।
అపాంయోనిః స్వయంభూతిర్మానసీ తత్త్వసంభవా ॥
ఈశ్వరాణీ చ శర్వాణీ శంకరార్థ శరీరిణీ ।
భవానీ చైవ రుద్రాణీ మహాలక్ష్మీరథామ్బికా ॥
మహేశ్వరసముత్పన్నా భుక్తిముక్తిఫలప్రదా ।
సర్వేశ్వరీ సర్వవన్ద్యా నిత్యం ముదితమానసా ॥
బ్రహ్మేన్ద్రోపేన్ద్రనమితా శంకరేచ్ఛానువర్తినీ ।
ఈశ్వరార్ధాసనగతా మహేశ్వరపతివ్రతా ॥
సకృద్విభాతా సర్వార్తి సముద్రపరిశోషిణీ ।
పార్వతీ హిమవత్పుత్రీ పరమానన్దదాయినీ ॥
గుణాఢ్యా యోగజా యోగ్యా జ్ఞానమూర్తిర్వికాసినీ ।
సావిత్రీకమలా లక్ష్మీః శ్రీరనన్తోరసి స్థితా ॥
సరోజనిలయా గంగా యోగనిద్రాఽసురార్దినీ ।
సరస్వతీ సర్వవిద్యా జగజ్జ్యేష్ఠా సుమఙ్గలా ॥
వాగ్దేవీ వరదా వాచ్యా కీర్తిః సర్వార్థసాధికా ।
యోగీశ్వరీ బ్రహ్మవిద్యా మహావిద్యా సుశోభనా ॥
గుహ్యవిద్యాత్మవిద్యా చ ధర్మవిద్యాత్మభావితా ।
స్వాహా విశ్వంభరా సిద్ధిః స్వధా మేధా ధృతిః శ్రుతిః ॥
నీతిః సునీతిః సుకృతిర్మాధవీ నరవాహినీ ।
పూజ్యా విభావతీ సౌమ్యా భోగినీ భోగశాయినీ ॥
శోభా చ శంకరీ లోలా మాలినీ పరమేష్ఠినీ ।
త్రైలోక్యసున్దరీ నమ్యా సున్దరీ కామచారిణీ ॥
మహానుభావా సత్త్వస్థా మహామహిషమర్దినీ ।
పద్మనాభా పాపహరా విచిత్ర ముకుటాంగదా॥
కాన్తా చిత్రామ్బరధరా దివ్యాభరణభూషితా ।
హంసాఖ్యా వ్యోమనిలయా జగత్సృష్టివివర్ధినీ ॥
నిర్యన్త్రీ యన్త్రమధ్యస్థా నన్దినీ భద్రకాలికా ।
ఆదిత్యవర్ణా కౌబేరీ మయూరవరవాహనా ॥
వృషాసనగతా గౌరీ మహాకాలీ సురార్చితా ।
అదితిర్నియతా రౌద్రా పద్మగర్భా వివాహనా ॥
విరూపాక్షీ లేలిహానా మహాసురనివాసినీ ।
మహాఫలాఽనవద్యాఙ్గీ కామరూపా విభావరీ ॥
విచిత్రరత్నముకుటా ప్రణతార్తిప్రభఞ్జనీ ।
కౌశికీ కర్షణీ రాత్రిస్త్రిదశార్తివినాశినీ ॥
బహురూపా స్వరూపా చ విరూపా రూపవర్జితా ।
భక్తార్తిశమనీ భవ్యా భవతాపవినాశినీ ॥
నిర్గుణా నిత్యవిభవా నిస్సారా నిరపత్రపా ।
తపస్వినీ సామగీతిర్భవాఙ్కనిలయాలయా ॥
దీక్షా విద్యాధరీ దీప్తా మహేన్ద్రవినిపాతినీ ।
సర్వాతిశాయినీ విశ్వా సర్వసిద్ధిప్రదాయినీ ॥
సర్వేశ్వరప్రియా భార్యా సముద్రాన్తరవాసినీ ।
అకలఙ్కా నిరాధారా నిత్యసిద్ధా నిరామయా ॥
కామధేనుర్బృహద్గర్భా ధీమతీ మోహనాశినీ ।
నిస్సఙ్కల్పా నిరాతఙ్కా వినయా వినయప్రియా ॥
జ్వాలామాలాసహస్రాఢ్యా దేవదేవీ మనోమయీ ।
మహాభగవతీ భర్గా వాసుదేవసముద్భవా ॥
మహేన్ద్రోపేన్ద్రభగినీ భక్తిగమ్యా పరావరా ।
జ్ఞానజ్ఞేయా జరాతీతా వేదాన్తవిషయా గతిః ॥
దక్షిణా దహతీ దీర్ఘా సర్వభూతనమస్కృతా ।
యోగమాయా విభాగజ్ఞా మహామోహా గరీయసీ ॥
సంధ్యా సర్వసముద్భూతిర్బ్రహ్మవృక్షాఽశ్రయాఽనతిః ।
బీజాఙ్కురసముద్భూతిర్మహాశక్తిర్మహామతిః ॥
క్షాన్తిః ప్రజ్ఞా చితిః సచ్చిన్మహాభోగీన్ద్రశాయినీ ।
వికృతిః శాఙ్కరీ (శాస్తిః) శాంతిర్గణగన్ధర్వసేవితా ॥
వైశ్వానరీ మహాశాలా మహాసేనా గుహప్రియా ।
మహారాత్రిః శివానన్దా శచీ దుఃస్వప్ననాశినీ ॥
ఇజ్యా పూజ్యా జగద్ధాత్రీ దుర్విజ్ఞేయా సురూపిణీ ।
తపస్వినీ సమాధిస్థా త్రినేత్రా దివిసంస్థితా ॥
గుహామ్బికా గుణోత్పత్తిర్మహాపీఠా మరుత్సుతా ।
హవ్యవాహాన్తరాగాదిః హవ్యవాహసముద్భవా ॥
జగద్యోనిర్జగన్మాతా జన్మమృత్యుజరాతిగా ।
బుద్ధిర్మహా బుద్ధిమతీ పురుషాన్తరవాసినీ ॥
తరస్వినీ సమాధిస్థా త్రినేత్రా దివి సంస్థితా।
సర్వేన్ద్రియమనోమాతా సర్వభూతహృదిస్థితా ॥
సంసారతారిణీ విద్యా బ్రహ్మవాదిమనోలయా ।
బ్రహ్మాణీ బృహతీ బ్రాహ్మీ బ్రహ్మభూతా భవారణీ ॥
హిరణ్మయీ మహారాత్రిః సంసారపరివర్తికా ।
సుమాలినీ సురూపా చ భావినీ హారిణీ ప్రభా ॥
ఉన్మీలనీ సర్వసహా సర్వప్రత్యయసాక్షిణీ ।
సుసౌమ్యా చన్ద్రవదనా తాణ్డవాసక్తమానసా ॥
సత్త్వశుద్ధికరీ శుద్ధిర్మలత్రయవినాశినీ ।
జగత్ప్రియా జగన్మూర్తిస్త్రిమూర్తిరమృతాశ్రయా ॥
నిరాశ్రయా నిరాహారా నిరఙ్కుశపదోద్భవా ।
చన్ద్రహస్తా విచిత్రాఙ్గీ స్రగ్విణీ పద్మధారిణీ ॥
పరావరవిధానజ్ఞా మహాపురుషపూర్వజా ।
విద్యేశ్వరప్రియా విద్యుద్విద్యుజ్జిహ్వా జితశ్రమా ॥
విద్యామయీ సహస్రాక్షీ సహస్రవదనాత్మజా ।
సహస్రరశ్మిః సత్త్వస్థా మహేశ్వరపదాశ్రయా ॥
క్షాలినీ మృణ్మయీ వ్యాప్తా తైజసీ పద్మబోధికా ।
మహామాయాశ్రయా మాన్యా మహాదేవమనోరమా ॥
వ్యోమలక్ష్మీః సింహరథా చేకితానాఽమితప్రభా ।
వీరేశ్వరీ విమానస్థా విశోకా శోకనాశినీ ॥
అనాహతా కుణ్డలినీ నలినీ పద్మవాసినీ ।
సదానన్దా సదాకీర్తిః సర్వభూతాశ్రయస్థితా ॥
వాగ్దేవతా బ్రహ్మకలా కలాతీతా కలారణీ ।
బ్రహ్మశ్రీర్బ్రహ్మహృదయా బ్రహ్మవిష్ణుశివప్రియా ॥
వ్యోమశక్తిః క్రియాశక్తిర్జ్ఞానశక్తిః పరాగతిః ।
క్షోభికా బన్ధికా భేద్యా భేదాభేదవివర్జితా ॥
అభిన్నాభిన్నసంస్థానా వంశినీ వంశహారిణీ ।
గుహ్యశక్తిర్గుణాతీతా సర్వదా సర్వతోముఖీ ॥
భగినీ భగవత్పత్నీ సకలా కాలహారిణీ ।
సర్వవిత్ సర్వతోభద్రా గుహ్యాతీతా గుహావలిః ॥
ప్రక్రియా యోగమాతా చ గఙ్గా విశ్వేశ్వరేశ్వరీ ।
కలిలా కాపిలా కాన్తా కమలాభా కలాన్తరా ॥
పుణ్యా పుష్కరిణీ భోక్త్రీ పురందరపురస్సరా ।
పోషణీ పరమైశ్వర్యభూతిదా భూతిభూషణా ॥
పఞ్చబ్రహ్మసముత్పత్తిః పరమార్థార్థవిగ్రహా ।
ధర్మోదయా భానుమతీ యోగిజ్ఞేయ మనోజవా ॥
మనోరమా మనోరక్షా తాపసీ వేదరూపిణీ ।
వేదశక్తిర్వేదమాతా వేదవిద్యాప్రకాశినీ ॥
యోగేశ్వరేశ్వరీ మాతా మహాశక్తిర్మనోమయీ ।
విశ్వావస్థా వియన్మూర్తిర్విద్యున్మాలా విహాయసీ ॥
కిన్నరీ సురభీ విద్యా నన్దినీ నన్దివల్లభా ।
భారతీ పరమానన్దా పరాపరవిభేదికా ॥
సర్వప్రహరణోపేతా కామ్యా కామేశ్వరేశ్వరీ ।
అచిన్త్యాఽనంత విభవా భూలేఖా కనకప్రభా ॥
కూష్మాణ్డీ ధనరత్నాఢ్యా సుగన్ధా గన్ధదాయినీ ।
త్రివిక్రమపదోద్భూతా ధనుష్పాణిః శివోదయా ॥
సుదుర్లభా ధనాధ్యక్షా ధన్యా పిఙ్గలలోచనా ।
శాన్తిః ప్రభావతీ దీప్తిః పఙ్కజాయతలోచనా ॥
ఆద్యా భూ:కమలోద్భూతా గవాం మాతా రణప్రియా ।
సత్క్రియా గిరిశా శుద్ధిః నిత్యపుష్టా నిరన్తరా ॥
దుర్గా కాత్యాయనీ చణ్డీ చర్చితాంగీ సువిగ్రహా ।
హిరణ్యవర్ణా జగతీ జగద్యన్త్రప్రవర్తికా ॥
మన్దరాద్రినివాసా చ గరహా స్వర్ణమాలినీ ।
రత్నమాలా రత్నగర్భా పుష్టుర్విశ్వప్రమాథినీ ॥
పద్మానాభా పద్మనిభా నిత్యరుష్టాఽమృతోద్భవా ।
ధున్వతీ దుష్ప్రకమ్పా చ సూర్యమాతా దృషద్వతీ ॥
మహేన్ద్రభగినీ సౌమ్యా వరేణ్యా వరదాయికా ।
కల్యాణీ కమలావాసా పఞ్చచూడా వరప్రదా ॥
వాచ్యాఽమరేశ్వరీ విద్యా దుర్జయా దురతిక్రమా ।
కాలరాత్రిర్మహావేగా వీరభద్రప్రియా హితా ॥
భద్రకాలీ జగన్మాతా భక్తానాం భద్రదాయినీ ।
కరాలా పిఙ్గలాకారా కామభేదా మహాస్వనా ॥
యశస్వినీ యశోదా చ షడధ్వపరివర్తికా ।
శఙ్ఖినీ పద్మినీ సాంఖ్యా సాంఖ్యయోగప్రవర్తికా ॥
చైత్రా సంవత్సరారూఢా జగత్సమ్పూరణీ ధ్వజా ।
శుమ్భారిః ఖేచరీస్వస్థా కమ్బుగ్రీవాకలిప్రియా ॥
ఖగధ్వజా ఖగారూఢా పరార్యా పూగమాలినీ ।
ఐశ్వర్యపద్మనిలయా విరక్తా గరుడాసనా ॥
జయన్తీ హృద్గుహా రమ్యా గహ్వరేష్ఠా గణాగ్రణీః ।
సంకల్పసిద్ధా సామ్యస్థా సర్వవిజ్ఞానదాయినీ ॥
కలిః కల్మషహన్త్రీ చ గుహ్యోపనిషదుత్తమా ।
నిష్ఠా దృష్టిః స్మృతిర్వ్యాప్తిః పుష్టిస్తుష్టిః క్రియావత్ ॥
విశ్వామరేశ్వరేశానా భుక్తిర్ముక్తిః శివాఽమృతా ।
లోహితా సర్పమాలా చ భీషణీ వనమాలినీ ॥
అనన్తశయనాఽనన్తా నరనారాయణోద్భవా ।
నృసింహీ దైత్యమథనీ శఙ్ఖచక్రగదాధరా ॥
సంకర్షణీ సముత్పత్తిరమ్బికాపాదసంశ్రయా ।
మహాజ్వాలా మహామూర్తిః సుమూర్తిః సర్వకామధుక్ ॥
సుప్రభా సుస్తనా గౌరీ ధర్మకామార్థమోక్షదా ।
భ్రూమధ్యనిలయా పూర్వా పురాణపురుషాఽరణిః ॥
మహావిభూతిదా మధ్యా సరోజనయనా సమా ।
అష్టాదశభుజానాద్యా నీలోత్పలదలప్రభా ॥
సర్వశక్త్యాసనారూఢా ధర్మాధర్మవర్జితా ।
వైరాగ్యజ్ఞాననిరతా నిరాలోకా నిరిన్ద్రియా ॥
విచిత్రగహనాధారా శాశ్వతస్థానవాసినీ ।
స్థానేశ్వరీ నిరానన్దా త్రిశూలవరధారిణీ ॥
అశేషదేవతామూర్తిర్దేవతా వరదేవతా ।
గణామ్బికా గిరేః పుత్రీ నిశుమ్భవినిపాతినీ ॥
అవర్ణా వర్ణరహితా త్రివర్ణా జీవసంభవా ।
అనన్తవర్ణా నాన్యస్థా శంకరీ శాన్తమానసా ॥
అగోత్రా గోమతీ గోప్త్రీ గుహ్యరూపా గుణోత్తరా ।
గౌర్గీర్గవ్యప్రియా గౌణీ గణేశ్వరనమస్కృతా ॥
సత్యభామా సత్యసన్ధా త్రిసన్ధ్యా సంధివర్జితా ।
సర్వవాదాశ్రయా సాంఖ్యా సాంఖ్యయోగసముద్భవా ॥
అసంఖ్యేయాఽప్రమేయాఖ్యా శూన్యా శుద్ధకులోద్భవా ।
బిన్దునాదసముత్పత్తిః శంభువామా శశిప్రభా ॥
పిశఙ్గా భేదరహితా మనోజ్ఞా మధుసూదనీ ।
మహాశ్రీః శ్రీసముత్పత్తిస్తమఃపారే ప్రతిష్ఠితా ॥
త్రితత్త్వమాతా త్రివిధా సుసూక్ష్మపదసంశ్రయా ।
శాన్తా భీతా మలాతీతా నిర్వికారా శివాశ్రయా ॥
శివాఖ్యా చిత్తనిలయా శివజ్ఞానస్వరూపిణీ ।
దైత్యదానవనిర్మాథీ కాశ్యపీ కాలకర్ణికా ॥
శాస్త్రయోనిః క్రియామూర్తిశ్చతుర్వర్గప్రదర్శికా ।
నారాయణీ నరోత్పత్తిః కౌముదీ లిఙ్గధారిణీ ॥
కాముకీ కలితాభావా పరాపరవిభూతిదా ।
పరాంగజాతమహిమా బడబా వామలోచనా ॥
సుభద్రా దేవకీ సీతా వేదవేదాఙ్గపారగా ।
మనస్వినీ మన్యుమాతా మహామన్యుసముద్భవా ॥
అమన్యురమృతాస్వాదా పురుహూతా పురుష్టుతా ।
అశోచ్యా భిన్నవిషయా హిరణ్యరజతప్రియా ॥
హిరణ్య రజనీ హైమా హేమాభరణభూషితా ।
విభ్రాజమానా దుర్జ్ఞేయా జ్యోతిష్టోమఫలప్రదా ॥
మహానిద్రాసముద్భూతిరనిద్రా సత్యదేవతా ।
దీర్ఘా కకుద్మినీ హృద్యా శాన్తిదా శాన్తివర్ధినీ ॥
లక్ష్మ్యాదిశక్తిజననీ శక్తిచక్రప్రవర్తికా ।
త్రిశక్తిజననీ జన్యా షడూర్మిపరివర్జితా ॥
సుధౌతా కర్మకరణీ యుగాన్తదహనాత్మికా ।
సంకర్షణీ జగద్ధాత్రీ కామయోనిః కిరీటినీ ॥
ఐన్ద్రీ త్రైలోక్యనమితా వైష్ణవీ పరమేశ్వరీ ।
ప్రద్యుమ్నదయితా దాత్రీ యుగ్మదృష్టిస్త్రిలోచనా ॥
మదోత్కటా హంసగతిః ప్రచణ్డా చణ్డవిక్రమా ।
వృషావేశా వియన్మాతా విన్ధ్యపర్వతవాసినీ ॥
హిమవన్మేరునిలయా కైలాసగిరివాసినీ ।
చాణూరహన్తృతనయా నీతిజ్ఞా కామరూపిణీ ॥
వేదవిద్యావ్రతస్నాతా బ్రహ్మశైల నివాసినీ ।
వీరభద్రప్రియా వీరా మహాకామసముద్భవా ॥
విద్యాధరప్రియా సిద్ధా విద్యాధరనిరాకృతిః ।
ఆప్యాయనీ హరన్తీ చ పావనీ పోషణీ కలా ॥
మాతృకా మన్మథోద్భూతా వారిజా వాహనప్రియా ।
కరీషిణీ సుధావాణీ వీణావాదనతత్పరా ॥
సేవితా సేవికా సేవ్యా సినీవాలీ గరుత్మతీ ।
అరున్ధతీ హిరణ్యాక్షీ మృగాఙ్కా మానదాయినీ ॥
వసుప్రదా వసుమతీ వసోర్ధారా వసుంధరా ।
ధారాధరా వరారోహా వరావాససహస్రదా ॥
శ్రీఫలా శ్రీమతీ శ్రీశా శ్రీనివాసా శివప్రియా ।
శ్రీధరా శ్రీకరీ కల్యా శ్రీధరార్ధశరీరిణీ ॥
అనన్తదృష్టిరక్షుద్రా ధాత్రీశా ధనదప్రియా ।
నిహన్త్రీ దైత్యసఙ్ఘానాం సింహికా సింహవాహనా ॥
సువర్చలా చ సుశ్రోణీ సుకీర్తిశ్ఛిన్నసంశయా ।
రసజ్ఞా రసదా రామా లేలిహానాఽమృతస్రవా ॥
నిత్యోదితా స్వయంజ్యోతిరుత్సుకాఽమృతజీవనా ।
వజ్రదణ్డా వజ్రచిహ్నా వైదేహీ వజ్రవిగ్రహా ॥
మఙ్గల్యా మఙ్గలా మాలా నిర్మలా మలహారిణీ ।
గాన్ధర్వీ గారుడీ చాన్ద్రీ కమ్బలాశ్వతరప్రియా ॥
సౌదామినీ జనానన్దా భ్రుకుటీకుటిలాననా ।
కర్ణికారకరా కక్ష్యా కంసప్రాణాపహారిణీ ॥
యుగన్ధరా యుగావర్తా త్రిసంధ్యా హర్షవర్ధినీ ।
ప్రత్యక్షదేవతా దివ్యా దివ్యగన్ధా దివః పరా ॥
శక్రాసనగతా శాక్రీ సాధ్యా చారుశరాసనా ।
ఇష్టా విశిష్టా శిష్టేష్టా శిష్టాశిష్టప్రపూజితా ॥
శతరూపా శతావర్తా వినతా సురభిః సురా ।
సురేన్ద్రమాతా సుద్యుమ్నా సుషుమ్నా సూర్యసంస్థితా ॥
సమీక్ష్యా సత్ప్రతిష్ఠా చ నివృత్తిర్జ్ఞానపారగా ।
ధర్మశాస్త్రార్థకుశలా ధర్మజ్ఞా ధర్మవాహనా ॥
ధర్మాధర్మవినిర్మాత్రీ ధార్మికాణాం శివప్రదా ।
ధర్మశక్తి ర్ధర్మమయీ విధర్మా విశ్వధర్మిణీ ॥
ధర్మాన్తరా ధర్మమయీ ధర్మపూర్వా ధనావహా ।
ధర్మోపదేష్ట్రీ ధర్మాత్మా ధర్మగమ్యా ధరాధరా ॥
కాపాలీ శకలామూర్త్తిః కలా కలితవిగ్రహా ।
సర్వశక్తివినిర్ముక్తా సర్వశక్త్యాశ్రయాశ్రయా ॥
సర్వా సర్వేశ్వరీ సూక్ష్మా సూక్ష్మా జ్ఞానస్వరూపిణీ ।
ప్రధానపురుషేశేషా మహాదేవైకసాక్షిణీ ॥
సదాశివా వియన్మూర్తిర్వేదమూర్తిరమూర్తికా ।
॥ ఇతి శ్రీకూర్మపురాణే షట్సాహస్త్ర్యాం సంహితాయాం
పూర్వవిభాగే శ్రీదేవీసహస్రనామస్తోత్రమ్ ॥
హిమవంతుడు చేసిన స్తుతిoచి దర్శించిన ఉన్న మహిమాన్విత స్తోత్రం
