శ్రీ తారా తకారాది సహస్రనామ స్తోత్రం (Sri Tara Takaradhi Sahasranama Stotram)
అథ శ్రీ తారాతకారాదిసహస్రనామ స్తోత్రం ।
వసిష్ఠ ఉవాచ
నామ్నాం సహస్రన్తారాయా ముఖామ్భోజాద్వినిర్గతమ్ ।
మన్త్రసిద్ధికరమ్ప్రోక్తన్తన్మే వద పితామహ ॥ ౧॥
బ్రహ్మోవాచ
శృణు వత్స ప్రవక్ష్యామి రహస్యం సర్వసిద్ధిదమ్ ।
యస్యోపదేశమాత్రేణ తవ సిద్ధిర్బ్భవిష్యతి ॥ ౨॥
మహాప్రలయకాలాదౌ నష్టే స్థావరజఙ్గమే ।
మహాకారం సమాకర్ణ్య కృపయా సంహృతన్తనౌ ॥ ౩॥
నామ్నా తేన మహాతారా ఖ్యాతా సా బ్రహ్మరూపిణీ ।
మహాశూలత్రయఙ్కృత్వా తత్ర చైకాకినీ స్థితా ॥ ౪॥
పునః సృష్టేశ్చికీర్షాభూద్దివ్యసామ్రాజ్యసఞ్జ్ఞకమ్ ।
నామ్నాం సహస్రమస్యాస్తు తకారాద్యమ్మయా స్మృతమ్ ॥ ౫॥
తత్ప్రభావేణ బ్రహ్మాణ్డన్నిర్మ్మితం సుదృఢమ్మహత్ ।
ఆవిర్భూతా వయన్తత్ర యన్త్రైస్తస్యాః పురా ద్విజ ॥ ౬॥
స్వస్య కార్యార్త్థినస్తత్ర భ్రాన్తా భూమ్యాయ్యథా వయమ్ ।
తయోపదిష్టాః కృపయా భవామస్సృష్టికారకాః ॥ ౭॥
తస్యాః ప్రసాదాద్విప్రేన్ద్ర త్త్రయో బ్రహ్మాణ్డనాయకాః ।
అన్యే సురగణాస్సర్వే తస్యాః పాదప్రసేవకాః ॥ ౮॥
పఠనాద్ధారణాత్సృష్టేః కర్త్తాహమ్పాలకో హరిః ।
తత్త్వాక్షరోపదేశేన సంహర్త్తా శఙ్కరస్స్వయమ్ ॥ ౯॥
ఋషిచ్ఛన్దాదికధ్యానమ్మూలవత్పరికీర్త్తితమ్ ।
నియోగోమాత్రసిద్ధౌ చ పురుషార్త్థచతుష్టయే ॥ ౧౦॥
తారా తారాదిపఞ్చార్ణా తారాన్యావేదవీర్యజా ।
తారాతారహితావర్ణా తారాద్యా తారరూపిణీ ॥ ౧౧॥
తారారాత్రిసముత్పన్నా తారారాత్రివరోద్యతా ।
తారారాత్రిజపాసక్తా తారారాత్రిస్వరూపిణీ ॥ ౧౨॥
తారారాజ్ఞీస్వసన్తుష్టా తారారాజ్ఞీవరప్రదా ।
తారారాజ్ఞీస్వరూపా చ తారారాజ్ఞీప్రసిద్ధిదా ॥ ౧౩॥
తారాహృత్పఙ్కజాగారా తారాహృత్పఙ్కజాపరా ।
తారాహృత్పఙ్కజాధారా తారాహృత్పఙ్కజా తథా ॥ ౧౪॥
తారేశ్వరీ చ తారాభా తారాగణస్వరూపిణీ ।
తారాగణసమాకీర్ణా తారాగణనిషేవితా ॥ ౧౫॥
తారా తారాన్వితా తారా రత్నాన్వితవిభూషణా ।
తారాగణరణాసన్నా తారాకృత్యప్రపూజితా ॥ ౧౬॥
తారాగణకృతాహారా తారాగణకృతాశ్రయా ।
తారాగణకృతాగారా తారాగణనతత్పరా ॥ ౧౭॥
తారాగుణగణాకీర్ణా తారాగుణగణప్రదా ।
తారాగుణగణాసక్తా తారాగుణగణాలయా ॥ ౧౮॥
తారేశ్వరీ తారపూజ్యా తారాజప్యా తు తారణా ।
తారముఖ్యా తు తారాఖ్యా తారదక్షా తు తారిణీ ॥ ౧౯॥
తారాగమ్యా తు తారస్థా తారామృతతరఙ్గిణీ ।
తారభవ్యా తు తారార్ణా తారహవ్యా తు తారిణీ ॥ ౨౦॥
తారకా తారకాన్తస్స్థా తారకారాశిభూషణా ।
తారకాహారశోభాఢ్యా తారకావేష్టితాఙ్గణా ॥ ౨౧॥
తారకాహంసకాకీర్ణా తారకాకృతభూషణా ।
తారకాఙ్గదశోభాఙ్గీ తారకాశ్రితకఙ్కణా ॥ ౨౨॥
తారకాఞ్చితకాఞ్చీ చ తారకాన్వితభక్షణా ।
తారకాచిత్రవసనా తారకాసనమణ్డలా ॥ ౨౩॥
తారకాకీర్ణముకుటా తారకాశ్రితకుణ్డలా ।
తారకాన్వితతాటఙ్కయుగ్మగణ్డస్థలోజ్జ్వలా ॥ ౨౪॥
తారకాశ్రితపాదాబ్జా తారకావరదాయికా ।
తారకాదత్తహృదయా తారకాఞ్చితసాయకా ॥ ౨౫॥
తారకాన్యాసకుశలా తారకాన్యాసవిగ్రహా ।
తారకాన్యాససన్తుష్టా తారకాన్యాససిద్ధిదా ॥ ౨౬॥
తారకాన్యాసనిలయా తారకాన్యాసపూజితా ।
తారకాన్యాససంహృష్టా తారకాన్యాససిద్ధిదా ॥ ౨౭॥
తారకాన్యాససమ్మ్మగ్నా తారకాన్యాసవాసినీ ।
తారకాన్యాససమ్పూర్ణమన్త్రసిద్ధివిధాయినీ ॥ ౨౮॥
తారకోపాసకప్రాణా తారకోపాసకప్రియా ।
తారకోపాసకాసాధ్యా తారకోపాసకేష్టదా ॥ ౨౯॥
తారకోపాసకాసక్తా తారకోపాసకార్త్థినీ ।
తారకోపాసకారాధ్యా తారకోపాసకాశ్రయా ॥ ౩౦॥
తారకాసురసన్తుష్టా తారకాసురపూజితా ।
తారకాసురనిర్మాణకర్త్రీ తారకవన్దితా ॥ ౩౧॥
తారకాసురసమ్మాన్యా తారకాసురమానదా ।
తారకాసురసంసిద్ధా తారకాసురదేవతా ॥ ౩౨॥
తారకాసురదేహస్థా తారకాసురస్వర్గదా ।
తారకాసురసంసృష్టా తారకాసురగర్వదా ॥ ౩౩॥
తారకాసురసంహన్త్రీ తారకాసురమర్ద్దినీ ।
తారకాసురసఙ్గ్రామనర్త్తకీ తారకాపహా ॥ ౩౪॥
తారకాసురసఙ్గ్రామకారిణీ తారకారిభృత్ ।
తారకాసురసఙ్గ్రామకబన్ధవృన్దవన్దితా ॥ ౩౫॥
తారకారిప్రసూతారికారిమాతా తు కారికా ।
తారకారీమనోహారీవస్త్రభూషానుశాసికా ॥ ౩౬॥
తారకారీవిధాత్రీ చ తారకారినిషేవితా ।
తారకారీవచస్తుష్టా తారకారీసుశిక్షితా ॥ ౩౭॥
తారకారీసుసన్తుష్టా తారకారివిభూషితా ।
తారకారికృతోత్సఙ్గీ తారకారిప్రహర్షదా ॥ ౩౮॥
తమః సమ్పూర్ణసర్వాఙ్గీ తమోలిప్తకలేబరా ।
తమోవ్యాప్తస్థలాసఙ్గా తమః పటలసన్నిభా ॥ ౩౯॥
తమోహన్త్రీ తమః కర్త్రీ తమఃసఞ్చారకారిణీ ।
తమోగాత్రీ తమోదాత్రీ తమః పాత్రీ తమోపహా ॥ ౪౦॥
తమోరాశిపూర్ణరాశిస్తమోరాశివినాశినీ ।
తమోరాశికృతధ్వంసీ తమోరాశిభయఙ్కరీ ॥ ౪౧॥
తమోగుణప్రసన్నాస్యా తమోగుణసుసిద్ధిదా ।
తమోగుణోక్తమార్గస్థా తమోగుణవిరాజితా ॥ ౪౨॥
తమోగుణస్తుతిపరా తమోగుణవివర్ధినీ ।
తమోగుణాశ్రితపరా తమోగుణవినాశినీ ॥ ౪౩॥
తమోగుణాక్షయకరీ తమోగుణకలేవరా ।
తమోగుణధ్వంసతుష్టా తమః పారేప్రతిష్ఠితా ॥ ౪౪॥
తమోభవభవప్రీతా తమోభవభవప్రియా ।
తమోభవభవాశ్రద్ధా తమోభవభవాశ్రయా ॥ ౪౫॥
తమోభవభవప్రాణా తమోభవభవార్చితా ।
తమోభవభవప్రీత్యాలీఢకుమ్భస్థలస్థితా ॥ ౪౬॥
తపస్వివృన్దసన్తుష్టా తపస్వివృన్దపుష్టిదా ।
తపస్వివృన్దసంస్తుత్యా తపస్వివృన్దవన్దితా ॥ ౪౭॥
తపస్వివృన్దసమ్పన్నా తపస్వివృన్దహర్షదా ।
తపస్వివృన్దసమ్పూజ్యా తపస్వివృన్దభూషితా ॥ ౪౮॥
తపస్విచిత్తతల్పస్థా తపస్విచిత్తమధ్యగా ।
తపస్విచిత్తచిత్తార్హా తపస్విచిత్తహారిణీ ॥ ౪౯॥
తపస్వికల్పవల్ల్యాభా తపస్వికల్పపాదపీ ।
తపస్వికామధేనుశ్చ తపస్వికామపూర్త్తిదా ॥ ౫౦॥
తపస్విత్రాణనిరతా తపస్విగృహసంస్థితా ।
తపస్విగృహరాజశ్రీస్తపస్విరాజ్యదాయికా ॥ ౫౧॥
తపస్విమానసారాధ్యా తపస్విమానదాయికా ।
తపస్వితాపసంహర్త్త్రీ తపస్వితాపశాన్తికృత్ ॥ ౫౨॥
తపస్విసిద్ధివిద్యా చ తపస్విమన్త్రసిద్ధికృత్ ।
తపస్విమన్త్రతన్త్రేశీ తపస్విమన్త్రరూపిణీ ॥ ౫౩॥
తపస్విమన్త్రనిపుణా తపస్వికర్మకారిణీ ।
తపస్వికర్మసమ్భూతా తపస్వికర్మసాక్షిణీ ॥ ౫౪॥
తపస్సేవ్యా తపోభవ్యా తపోభావ్యా తపస్వినీ ।
తపోవశ్యా తపోగమ్యా తపోగేహనివాసినీ ॥ ౫౫॥
తపోధన్యా తపోమాన్యా తపః కన్యా తపోవృతా ।
తపస్తథ్యా తపోగోప్యా తపోజప్యా తపోనృతా ॥ ౫౬॥
తపస్సాధ్యా తపోరాధ్యా తపోవన్ద్యా తపోమయీ ।
తపస్సన్ధ్యా తపోవన్ధ్యా తపస్సాన్నిధ్యకారిణీ ॥ ౫౭॥
తపోధ్యేయా తపోగేయా తపస్తప్తా తపోబలా ।
తపోలేయా తపోదేయా తపస్తత్త్వఫలప్రదా ॥ ౫౮॥
తపోవిఘ్నవరఘ్నీ చ తపోవిఘ్నవినాశినీ ।
తపోవిఘ్నచయధ్వంసీ తపోవిఘ్నభయఙ్కరీ ॥ ౫౯॥
తపోభూమివరప్రాణా తపోభూమిపతిస్తుతా ।
తపోభూమిపతిధ్యేయా తపోభూమిపతీష్టదా ॥ ౬౦॥
తపోవనకురఙ్గస్థా తపోవనవినాశినీ ।
తపోవనగతిప్రీతా తపోవనవిహారిణీ ॥ ౬౧॥
తపోవనఫలాసక్తా తపోవనఫలప్రదా ।
తపోవనసుసాధ్యా చ తపోవనసుసిద్ధిదా ॥ ౬౨॥
తపోవనసుసేవ్యా చ తపోవననివాసినీ ।
తపోధనసుసంసేవ్యా తపోధనసుసాధితా ॥ ౬౩॥
తపోధనసుసఁల్లీనా తపోధనమనోమయీ ।
తపోధననమస్కారా తపోధనవిముక్తిదా ॥ ౬౪॥
తపోధనధనాసాధ్యా తపోధనధనాత్మికా ।
తపోధనధనారాధ్యా తపోధనఫలప్రదా ॥ ౬౫॥
తపోధనధనాఢ్యా చ తపోధనధనేశ్వరీ ।
తపోధనధనప్రీతా తపోధనధనాలయా ॥ ౬౬॥
తపోధనజనాకీర్ణా తపోధనజనాశ్రయా ।
తపోధనజనారాధ్యా తపోధనజనప్రసూః ॥ ౬౭॥
తపోధనజనప్రాణా తపోధనజనేష్టదా ।
తపోధనజనాసాధ్యా తపోధనజనేశ్వరీ ॥ ౬౮॥
తరుణాసృక్ప్రపానార్తా తరుణాసృక్ప్రతర్పితా ।
తరుణాసృక్సముద్రస్థా తరుణాసృక్ప్రహర్షదా ॥ ౬౯॥
తరుణాసృక్సుసన్తుష్టా తరుణాసృగ్విలేపితా ।
తరుణాసృఙ్నదీప్రాణా తరుణాసృగ్విభూషణా ॥ ౭౦॥
తరుణైణబలిప్రీతా తరుణైణబలిప్రియా ।
తరుణైణవలిప్రాణా తరుణైణబలీష్టదా ॥ ౭౧॥
తరుణాజబలిప్రీతా తరుణాజబలిప్రియా ।
తరుణాజబలిఘ్రాణా తరుణాజబలిప్రభుక్ ॥ ౭౨॥
తరుణాదిత్యసఙ్కాశా తరుణాదిత్యవిగ్రహా ।
తరుణాదిత్యరుచిరా తరుణాదిత్యనిర్మ్మలా ॥ ౭౩॥
తరుణాదిత్యనిలయా తరుణాదిత్యమణ్డలా ।
తరుణాదిత్యలలితా తరుణాదిత్యకుణ్డలా ॥ ౭౪॥
తరుణార్కసమజ్యోత్స్నా తరుణార్కసమప్రభా ।
తరుణార్కప్రతీకారా తరుణార్కప్రవర్ద్ధితా ॥ ౭౫॥
తరుణా తరుణానేత్రా చ తరుణా తరుణలోచనా ।
తరుణా తరుణనేత్రా చ తరుణా తరుణభూషణా ॥ ౭౬॥
తరుణీదత్తసఙ్కేతా తరుణీదత్తభూషణా ।
తరుణీగణసన్తుష్టా తరుణీతరుణీమణిః ॥ ౭౭॥
తరుణీమణిసంసేవ్యా తరుణీమణివన్దితా ।
తరుణీమణిసన్తుష్టా తరుణీమణిపూజితా ॥ ౭౮॥
తరుణీవృన్దసఁవాద్యా తరుణీవృన్దవన్దితా ।
తరుణీవృన్దసంస్తుత్యా తరుణీవృన్దమానదా ॥ ౭౯॥
తరుణీవృన్దమధ్యస్థా తరుణీవృన్దవేష్టితా ।
తరుణీవృన్దసమ్ప్రీతా తరుణీవృన్దభూషితా ॥ ౮౦॥
తరుణీజపసంసిద్ధా తరుణీజపమోక్షదా ।
తరుణీపూజకాసక్తా తరుణీపూజకార్త్థినీ ॥ ౮౧॥
తరుణీపూజకశ్రీదా తరుణీపూజకార్త్తిహా ।
తరుణీపూజకప్రాణా తరుణీనిన్దకార్త్తిదా ॥ ౮౨॥
తరుణీకోటినిలయా తరుణీకోటివిగ్రహా ।
తరుణీకోటిమధ్యస్థా తరుణీకోటివేష్టితా ॥ ౮౩॥
తరుణీకోటిదుస్సాధ్యా తరుణీకోటివిగ్రహా ।
తరుణీకోటిరుచిరా తరుణీతరుణీశ్వరీ ॥ ౮౪॥
తరుణీమణిహారాఢ్యా తరుణీమణికుణ్డలా ।
తరుణీమణిసన్తుష్టా తరుణీమణిమణ్డితా ॥ ౮౫॥
తరుణీసరణీప్రీతా తరుణీసరణీరతా ।
తరుణీసరణీస్థానా తరుణీసరణీరతా ॥ ౮౬॥
తరణీమణ్డలశ్రీదా తరణీమణ్డలేశ్వరీ ।
తరణీమణ్డలశ్రద్ధా తరణీమణ్డలస్థితా ॥ ౮౭॥
తరణీమణ్డలార్గ్ఘాఢ్యా తరణీమణ్డలార్చితా ।
తరణీమణ్డలధ్యేయా తరణీభవసాగరా ॥ ౮౮॥
తరణీకారణాసక్తా తరణీతక్షకార్చితా ।
తరణీతక్షకశ్రీదా తరణీతక్షకార్త్థినీ ॥ ౮౯॥
తరణీతరణశీలా చ తరీతరణతారిణీ ।
తరీతరణస/వ్వేద్యా తరీతరణకారిణీ ॥ ౯౦॥
తరురూపా తరూపస్థా తరుస్తరులతామయీ ।
తరురూపా తరుస్థా చ తరుమధ్యనివాసినీ ॥ ౯౧॥
తప్తకాఞ్చనగేహస్థా తప్తకాఞ్చనభూమికా ।
తప్తకాఞ్చనప్రాకారా తప్తకాఞ్చనపాదుకా ॥ ౯౨॥
తప్తకాఞ్చనదీప్తాఙ్గీ తప్తకాఞ్చనసన్నిభా ।
తప్తకాఞ్చనగౌరాఙ్గీ తప్తకాఞ్చనమఞ్చగా ॥ ౯౩॥
తప్తకాఞ్చనవస్త్రాఢ్యా తప్తకాఞ్చనరూపిణీ ।
తప్తకాఞ్చనమధ్యస్థా తప్తకాఞ్చనకారిణీ ॥ ౯౪॥
తప్తకాఞ్చనమాసార్చ్చ్యా తప్తకాఞ్చనపాత్రభుక్ ।
తప్తకాఞ్చనశైలస్థా తప్తకాఞ్చనకుణ్డలా ॥ ౯౫॥
తప్తకాఞ్చనక్షత్త్రాఢ్యా తప్తకాఞ్చనదణ్డధృక్ ।
తప్తకాఞ్చనభూషాఢ్యా తప్తకాఞ్చనదానదా ॥ ౯౬॥
తప్తకాఞ్చనదేశేశీ తప్తకాఞ్చనచాపధృక్ ।
తప్తకాఞ్చనతూణాఢ్యా తప్తకాఞ్చనబాణభృత్ ॥ ౯౭॥
తలాతలవిధాత్రీ చ తలాతలవిధాయినీ ।
తలాతలస్వరూపేశీ తలాతలవిహారిణీ ॥ ౯౮॥
తలాతలజనాసాధ్యా తలాతలజనేశ్వరీ ।
తలాతలజనారాధ్యా తలాతలజనార్థదా ॥ ౯౯॥
తలాతలజయాభాక్షీ తలాతలజచఞ్చలా ।
తలాతలజరత్నాఢ్యా తలాతలజదేవతా ॥ ౧౦౦॥
తటినీస్థానరసికా తటినీ తటవాసినీ ।
తటినీ తటినీతీరగామినీ తటినీప్రియా ॥ ౧౦౧॥
తటినీప్లవనప్రీతా తటినీప్లవనోద్యతా ।
తటినీప్లవనశ్లాఘ్యా తటినీప్లవనార్త్థదా ॥ ౧౦౨॥
తటలాస్థా తటస్థానా తటేశీ తటవాసినీ ।
తటపూజ్యా తటారాధ్యా తటరోమముఖార్త్థినీ ॥ ౧౦౩॥
తటజా తటరూపా చ తటస్థా తటచఞ్చలా ।
తటసన్నిధిగేహస్థాసహితా తటశాయినీ ॥ ౧౦౪॥
తరఙ్గిణీ తరఙ్గాభా తరఙ్గాయతలోచనా ।
తరఙ్గసమదుర్ద్ధర్షా తరఙ్గసమచఞ్చలా ॥ ౧౦౫॥
తరఙ్గసమదీర్ఘాఙ్గీ తరఙ్గసమవర్ద్ధితా ।
తరఙ్గసమసఁవ్వృద్ధిస్తరఙ్గసమనిర్మలా ॥ ౧౦౬॥
తడాగమధ్యనిలయా తడాగమధ్యాసమ్భవా ।
గడాగరచనశ్లాఘ్యా తడాగరచనోద్యతా ॥ ౧౦౭॥
తడాగకుసుదామోదీ తడాగేశీ తడాగినీ ।
తడాగనీరసంస్నాతా తడాగనీరనిర్మలా ॥ ౧౦౮॥
తడాగకమలాగారా తడాగకమలాలయా ।
తడాగకమలాన్తస్స్థా తడాగకమలోద్యతా ॥ ౧౦౯॥
తడాగకమలాఙ్గీ చ తడాగకమలాననా ।
తడాగకమలప్రాణా తడాగకమలేక్షణా ॥ ౧౧౦॥
తడాగరక్తపద్మస్థా తడాగశ్వేతపద్మగా ।
తడాగనీలపద్మాభా తడాగనీలపద్మభృత్ ॥ ౧౧౧॥
తనుస్తనుగతా తన్వీ తన్వఙ్గీ తనుధారిణీ ।
తనురూపా తనుగతా తనుధృక్ తనురూపిణీ ॥ ౧౧౨॥
తనుస్థా తనుమధ్యాఙ్గీ తనుకృత్తనుమఙ్గలా ।
తనుసేవ్యా తు తనుజా తనుజాతనుసమ్భవా ॥ ౧౧౩॥
తనుభృత్తనుసమ్భూతా తనుదాతనుకారిణీ ।
తనుభృత్తనుసంహన్త్రీ తనుసఞ్చారకారిణీ ॥ ౧౧౪॥
తథ్యవాక్ తథ్యవచనా తథ్యకృత్ తథ్యవాదినీ ।
తథ్యభృత్తథ్యచరితా తథ్యధర్మానువర్త్తినీ ॥ ౧౧౫॥
తథ్యభుక్ తథ్యగమనా తథ్యభక్తివరప్రదా ।
తథ్యనీచేశ్వరీ తథ్యచిత్తాచారాశుసిద్ధిదా ॥ ౧౧౬॥
తర్క్యాతర్క్యస్వభావా చ తర్కదాయా తు తర్కకృత్ ।
తర్కాధ్యాపనమధ్యస్థా తర్కాధ్యాపనకారిణీ ॥ ౧౧౭॥
తర్కాధ్యాపనసన్తుష్టా తర్కాధ్యాపనరూపిణీ ।
తర్కాధ్యాపనసంశీలా తర్కార్త్థప్రతిపాదితా ॥ ౧౧౮॥
తర్కాధ్యాపనసన్తృప్తా తర్కార్త్థప్రతిపాదికా ।
తర్కవాదాశ్రితపదా తర్కవాదవివర్ద్ధినీ ॥ ౧౧౯॥
తర్కవాదైకనిపుణా తర్కవాదప్రచారిణీ ।
తమాలదలశ్యామాఙ్గీ తమాలదలమాలినీ ॥ ౧౨౦॥
తమాలవనసఙ్కేతా తమాలపుష్పపూజితా ।
తగరీ తగరారాద్ధ్యా తగరార్చితపాదుకా ॥ ౧౨౧॥
తగరస్రక్సుసన్తుష్టా తగరస్రగ్విరాజితా ।
తగరాహుతిసన్తుష్టా తగరాహుతికీర్తిదా ॥ ౧౨౨॥
తగరాహుతిసంసిద్ధా తగరాహుతిమానదా ।
తడిత్తడిల్లతాకారా తడిచ్చఞ్చలలోచనా ॥ ౧౨౩॥
తడిల్లతా తడిత్తన్వీ తడిద్దీప్తా తడిత్ప్రభా ।
తద్రూపా తత్స్వరూపేశీ తన్మయీ తత్త్వరూపిణీ ॥ ౧౨౪॥
తత్స్థానదాననిరతా తత్కర్మఫలదాయినీ ।
తత్త్వకృత్ తత్త్వదా తత్త్వా తత్త్వవిత్ తత్త్వతర్పితా ॥ ౧౨౫॥
తత్త్వార్చ్చ్యా తత్త్వపూజా చ తత్త్వార్గ్ఘ్యా తత్త్వరూపిణీ ।
తత్త్వజ్ఞానప్రదానేశీ తత్త్వజ్ఞానసుమోక్షదా ॥ ౧౨౬॥
త్వరితా త్వరితప్రీతా త్వరితార్త్తివినాశినీ ।
త్వరితాసవసన్తుష్టా త్వరితాసవతర్పితా ॥ ౧౨౭॥
త్వగ్వస్త్రా త్వక్పరీధానా తరలా తరలేక్షణా ।
తరక్షుచర్మవసనా తరక్షుత్వగ్విభూషణా ॥ ౧౨౮॥
తరక్షుస్తరక్షుప్రాణా తరక్షుపృష్ఠగామినీ ।
తరక్షుపృష్ఠసంస్థానా తరక్షుపృష్ఠవాసినీ ॥ ౧౨౯॥
తర్పితోదైస్తర్పణాశా తర్పణాసక్తమానసా ।
తర్పణానన్దహృదయా తర్పణాధిపతిస్తతిః ॥ ౧౩౦॥
త్రయీమయీ త్రయీసేవ్యా త్రయీపూజ్యా త్రయీకథా ।
త్రయీభవ్యా త్రయీభావ్యా త్రయీభావ్యా త్రయీయుతా ॥ ౧౩౧॥
త్ర్యక్షరీ త్ర్యక్షరేశానీ త్ర్యక్షరీశీఘ్రసిద్ధిదా ।
త్ర్యక్షరేశీ త్ర్యక్షరీస్థా త్ర్యక్షరీపురుషాపదా ॥ ౧౩౨॥
తపనా తపనేష్టా చ తపస్తపనకన్యకా ।
తపనాంశుసమాసహ్యా తపనకోటికాన్తికృత్ ॥ ౧౩౩॥
తపనీయా తల్పతల్పగతా తల్పవిధాయినీ ।
తల్పకృత్తల్పగా తల్పదాత్రీ తల్పతలాశ్రయా ॥ ౧౩౪॥
తపనీయతలారాత్రీ తపనీయాంశుప్రార్త్థినీ ।
తపనీయప్రదాతప్తా తపనీయాద్రిసంస్థితా ॥ ౧౩౫॥
తల్పేశీ తల్పదా తల్పసంస్థితా తల్పవల్లభా ।
తల్పప్రియా తల్పరతా తల్పనిర్మాణకారిణీ ॥ ౧౩౬॥
తరసాపూజనాసక్తా తరసావరదాయినీ ।
తరసాసిద్ధిసన్ధాత్రీ తరసామోక్షదాయినీ ॥ ౧౩౭॥
తాపసీ తాపసారాధ్యా తాపసార్త్తివినాశనీ ।
తాపసార్త్తా తాపసశ్రీస్తాపసప్రియవాదినీ ॥ ౧౩౮॥
తాపసానన్దహృదయా తాపసానన్దదాయినీ ।
తాపసాశ్రితపాదాబ్జా తాపసక్తమానసా ॥ ౧౩౯॥
తామసీ తామసీపూజ్యా తామసీప్రణయోత్సుకా ।
తామసీ తామసీసీతా తామసీశీఘ్రసిద్ధిదా ॥ ౧౪౦॥
తాలేశీ తాలభుక్తాలదాత్రీ తాలోపమస్తనీ ।
తాలవృక్షస్థితా తాలవృక్షజా తాలరూపిణీ ॥ ౧౪౧॥
తార్క్క్షా తార్క్క్షసమారూఢా తార్క్క్షేశీ తార్క్క్షపూజితా ।
తార్క్క్షేశ్వరీ తార్క్క్షమాతా తార్క్క్షేశీవరదాయినీ ॥ ౧౪౨॥
తాపీ తు తపినీ తాపసంహన్త్రీ తాపనాశినీ ।
తాపదాత్రీ తాపకర్త్రీ తాపవిధ్వంసకారిణీ ॥ ౧౪౩॥
త్రాసకర్త్రీ త్రాసదాత్రీ త్రాసహర్త్రీ చ త్రాసహా ।
త్రాసితా త్రాసరహితా త్రాసనిర్మ్మూలకారిణీ ॥ ౧౪౪॥
త్రాణకృత్త్రాణసంశీలా తానేశీ తానదాయినీ ।
తానగానరతా తానకారిణీ తానగాయినీ ॥ ౧౪౫॥
తారుణ్యామృతసమ్పూర్ణా తారుణ్యామృతవారిధిః ।
తారుణ్యామృతసన్తుష్టా తారుణ్యామృతతర్పితా ॥ ౧౪౬॥
తారుణ్యామృతపూర్ణాఙ్గీ తారుణ్యామృతవిగ్రహా ।
తారుణ్యగుణసమ్పన్నా తారుణ్యోక్తివిశారదా ॥ ౧౪౭॥
తామ్బూలీ తామ్బులేశానీ తామ్బూలచర్వణోద్యతా ।
తామ్బూలపూరితాస్యా చ తామ్బూలారుణితాధరా ॥ ౧౪౮॥
తాటఙ్కరత్నవిఖ్యాతిస్తాటఙ్కరత్నభూషిణీ ।
తాటఙ్కరత్నమధ్యస్థా తాటఙ్కద్వయభూషితా ॥ ౧౪౯॥
తిథీశా తిథిసమ్పూజ్యా తిథిస్థా తిథిరూపిణీ ।
త్రితిథివాసినీసేవ్యా తిథీశవరదాయినీ ॥ ౧౫౦॥
తిలోత్తమాదికారాధ్యా తిలోత్తమాదికప్రభా ।
తిలోత్తమా తిలప్రక్షా తిలారాధ్యా తిలార్చ్చితా ॥ ౧౫౧॥
ప్। ౧౪౪) తిలభుక్ తిలసన్దాత్రీ తిలతుష్టా తిలాలయా ।
తలదా తిలసఙ్కాశా తిలతైలవిధాయినీ ॥ ౧౫౨॥
తిలతైలోపలిప్తాఙ్గీ తిలతైలసుగన్ధినీ ।
తిలాజ్యహోమసన్తుష్టా తిలాజ్యహోమసిద్ధిదా ॥ ౧౫౩॥
తిలపుష్పాఞ్జలిప్రీతా తిలపుష్పాఞ్జలిప్రియా ।
తిలపుష్పాఞ్జలిశ్రేష్ఠా తిలపుష్పాభనాశినీ ॥ ౧౫౪॥
తిలకాశ్రితసిన్దూరా తిలకాఙ్కితచన్దనా ।
తిలకాహృతకస్తూరీ తిలకామోదమోహినీ ॥ ౧౫౫॥
త్రిగుణా రిగుణాకారా త్రిగుణాన్వితవిగ్రహా ।
త్రిగుణాకారవిఖ్యాతా త్రిమూర్త్తిస్త్రిగుణాత్మికా ॥ ౧౫౬॥
త్రిశిరా త్రిపురేశానీ త్రిపురా త్రిపురేశ్వరీ ।
త్రిపురేశీ త్రిలోకస్థా త్రిపురీ త్రిపురామ్బికా ॥ ౧౫౭॥
త్రిపురారిసమారాధ్యా త్రిపురారివరప్రదా ।
త్రిపురారిశిరోభూషా త్రిపురారివరప్రదా ॥ ౧౫౮॥
త్రిపురారీష్టసన్దాత్రీ త్రిపురారీష్టదేవతా ।
త్రిపురారికృతార్ద్ధాఙ్గీ త్రిపురారివిలాసినీ ॥ ౧౫౯॥
త్రిపురాసురసంహన్త్రీ త్రిపురాసురమర్ద్దినీ ।
త్రిపురాసురసంసేవ్యా త్రిపురాసురవర్యయా ॥ ౧౬౦॥
త్రికుటా త్రికుటారాధ్యా త్రికూటార్చ్చితవిగ్రహా ।
త్రికూటాచలమధ్యథా త్రికూటాచలవాసినీ ॥ ౧౬౧॥
త్రికూటాచలసఞ్జాతా త్రికూటాచలనిర్గ్గతా ।
త్రిజటా త్రిజటేశానీ త్రిజటావరదాయినీ ॥ ౧౬౨॥
త్రినేత్రేశీ త్రినేత్రా చ త్రినేత్రవరవర్ణినీ ।
త్రివలీ త్రివలీయుక్తా త్రిశూలవరధారిణీ ॥ ౧౬౩॥
త్రిశూలేశీ త్రిశూలీశీ త్రిశూలభృత్ త్రిశూలినీ ।
త్రిమనుస్త్రిమనూపాస్యా త్రిమనూపాసకేశ్వరీ ॥ ౧౬౪॥
త్రిమనుజపసన్తుష్టా త్రిమనుస్తూర్ణసిద్ధిదా ।
త్రిమనుపూజనప్రీతా త్రిమనుధ్యానమోక్షదా ॥ ౧౬౫॥
త్రివిధా త్రివిధాభక్తిస్త్రిమతా త్రిమతేశ్వరీ ।
త్రిభావస్థా త్రిభావేశీ త్రిభావపరిపూరితా ॥ ౧౬౬॥
త్రితత్త్వాత్మా త్రితత్త్వేశీ త్రితత్త్వజ్ఞా త్రితత్త్వధృక్ ।
త్రితత్త్వాచమనప్రీతా త్రితత్త్వాచమనేష్టదా ॥ ౧౬౭॥
త్రికోణస్థా త్రికోణేశీ త్రికోణచక్రవాసినీ ।
త్రికోణచక్రమధ్యస్థా త్రికోణబిన్దురూపిణీ ॥ ౧౬౮॥
త్రికోణయన్త్రసంస్థానా త్రికోణయన్త్రరూపిణీ ।
త్రికోణయన్త్రసమ్పూజ్యా త్రికోణయన్త్రసిద్ధిదా ॥ ౧౬౯॥
త్రివర్ణాఢ్యా త్రివర్ణేశీ త్రివర్ణోపాసిరూపిణీ ।
త్రివర్ణస్థా త్రివర్ణాఢ్యా త్రివర్ణవరదాయినీ ॥ ౧౭౦॥
త్రివర్ణాద్యా త్రివర్ణార్చ్చ్యా త్రివర్గఫలదాయినీ ।
త్రివర్గాఢ్యా త్రివర్గేశీ త్రివర్గాద్యఫలప్రదా ॥ ౧౭౧॥
త్రిసన్ధ్యార్చ్చ్యా త్రిసన్ధ్యేశీ త్రిసన్ధ్యారాధనేష్టదా ।
త్రిసన్ధ్యార్చ్చనసన్తుష్టా త్రిసన్ధ్యాజపమోక్షదా ॥ ౧౭౨॥
త్రిపదారాధితపదా త్రిపదా త్రిపదేశ్వరీ ।
త్రిపదాప్రతిపాద్యేశీ త్రిపదా ప్రతిపాదికా ॥ ౧౭౩॥
త్రిశక్తిశ్చ త్రిశక్తేశీ త్రిశక్తేష్టఫలప్రదా ।
త్రిశక్తేష్టా త్రిశక్తీష్టా త్రిశక్తిపరివేష్టితా ॥ ౧౭౪॥
త్రివేణీ చ త్రివేణీస్త్రీ త్రివేణీమాధవార్చ్చితా ।
త్రివేణీజలసన్తుష్టా త్రివేణీస్నానపుణ్యదా ॥ ౧౭౫॥
త్రివేణీజలసంస్నాతా త్రివేణీజలరూపిణీ ।
త్రివేణీజలపూతాఙ్గీ త్రివేణీజలపూజితా ॥ ౧౭౬॥
త్రినాడీస్థా త్రినాడీశీ త్రినాడీమధ్యగామినీ ।
త్రినాడీసన్ధ్యసఞ్ఛ్రేయా త్రినాడీ చ త్రికోటినీ ॥ ౧౭౭॥
త్రిపఞ్చాశత్త్రిరేఖా చ త్రిశక్తిపథగామినీ ।
త్రిపథస్థా త్రిలోకేశీ త్రికోటికులమోక్షదా ॥ ౧౭౮॥
త్రిరామేశీ త్రిరామార్చ్చ్యా త్రిరామవరదాయినీ ।
త్రిదశాశ్రితపాదాబ్జా త్రిదశాలయచఞ్చలా ॥ ౧౭౯॥
త్రిదశా త్రిదశప్రార్త్థ్యా త్రిదశాశువరప్రదా ।
త్రిదశైశ్వర్యసమ్పన్నా త్రిదశేశ్వరసేవితా ॥ ౧౮౦॥
త్రియామార్చ్చ్యా త్రియామేశీ త్రియామానన్తసిద్ధిదా ।
త్రియామేశాధికజ్యోత్స్నా త్రియామేశాధికాననా ॥ ౧౮౧॥
త్రియామానాథవత్సౌమ్యా త్రియామానాథభూషణా ।
త్రియామానాథలావణ్యా-రత్నకోటియుతాననా ॥ ౧౮౨॥
త్రికాలస్థా త్రికాలజ్ఞా త్రికాలజ్ఞత్వకారిణీ ।
త్రికాలేశీ త్రికాలార్చ్చ్యా త్రికాలజ్ఞత్వదాయినీ ॥ ౧౮౩॥
తీరభుక్ తీరగా తీరసరితా తీరవాసినీ ।
తీరభుగ్దేశసఞ్జాతా తీరభుగ్దేశసంస్థితా ॥ ౧౮౪॥
తిగ్మాతిగ్మాంశుసఙ్కాశా తిగ్మాంశుక్రోడసంస్థితా ।
తిగ్మాంశుకోటిదీప్తాఙ్గీ తిగ్మాంశుకోటివిగ్రహా ॥ ౧౮౫॥
తీక్ష్ణా తీక్ష్ణతరా తీక్ష్ణమహిషాసురమర్ద్దినీ ।
తీక్ష్ణకర్త్రిలసత్పాణిస్తీక్ష్ణాసివరధారిణీ ॥ ౧౮౬॥
తీవ్రా తీవ్రగతిస్తీవ్రాసురసఙ్ఘవినాశినీ ।
తీవ్రాష్టనాగాభరణా తీవ్రముణ్డవిభూషణా ॥ ౧౮౭॥
తీర్త్థాత్మికా తీర్త్థమయీ తీర్త్థేశీ తీర్త్థపూజితా ।
తీర్త్థరాజేశ్వరీ తీర్త్థఫలదా తీర్త్థదానదా ॥ ౧౮౮॥
తుములీ తుములప్రాజ్ఞీ తుములాసురఘాతినీ ।
తుములక్షతజప్రీతా తుములాఙ్గణవర్త్తకీ ॥ ౧౮౯॥
తురగీ తురగారూఢా తురఙ్గపృష్ఠగామినీ ।
తురఙ్గగమనాహ్లాదా తురఙ్గవేగగామినీ ॥ ౧౯౦॥
తురీయా తులనా తుల్యా తుల్యవృత్తిస్తు తుల్యకృత్ ।
తులనేశీ తులారాశిస్తులారాశీ త్వసూక్ష్మవిత్ ॥ ౧౯౧॥
తుమ్బికా తుమ్బికాపాత్రభోజనా తుమ్బికార్థినీ ।
తులసీ తులసీవర్యా తులజా తులజేశ్వరీ ॥ ౧౯౨॥
తుషాగ్నివ్రతసన్తుష్టా తుషాగ్నిస్తుషరాశికృత్ ।
తుషారకరశీతాఙ్గీ తుషారకరపూర్త్తికృత్ ॥ ౧౯౩॥
తుషారాద్రిస్తుషారాద్రిసుతా తుహినదీధితిః ।
తుహినాచలకన్యా చ తుహినాచలవాసినీ ॥ ౧౯౪॥
తూర్యవర్గేశ్వరీ తూర్యవర్గదా తూర్యవేదదా ।
తూర్యవర్యాత్మికా తూర్యతూర్యేశ్వరస్వరూపిణీ ॥ ౧౯౫॥
తుష్టిదా తుష్టికృత్ తుష్టిస్తూణీరద్వయపృష్ఠధృక్ ।
తుమ్బురాజ్ఞానసన్తుష్టా తుష్టసంసిద్ధిదాయినీ ॥ ౧౯౬॥
తూర్ణరాజ్యప్రదా తూర్ణగద్గదా తూర్ణపద్యదా ।
తూర్ణపాణ్డిత్యసన్దాత్రీ తూర్ణాపూర్ణబలప్రదా ॥ ౧౯౭॥
తృతీయా చ తృతీయేశీ తృతీయాతిథిపూజితా ।
తృతీయాచన్ద్రచూడేశీ తృతీయాచన్ద్రభూషణా ॥ ౧౯౮॥
తృప్తిస్తృప్తికరీ తృప్తా తృష్ణా తృష్ణావివర్ద్ధినీ ।
తృష్ణాపూర్ణకరీ తృష్ణానాశినీ తృషితా తృషా ॥ ౧౯౯॥
త్రేతాసంసాధితా త్రేతా త్రేతాయుగఫలప్రదా ।
త్రైలోక్యపూజా త్రైలోక్యదాత్రీ త్రైలోక్యసిద్ధిదా ॥ ౨౦౦॥
త్రైలోక్యేశ్వరతాదాత్రీ త్రైలోక్యపరమేశ్వరీ ।
త్రైలోక్యమోహనేశానీ త్రైలోక్యరాజ్యదాయినీ ॥ ౨౦౧॥
తైత్రిశాఖేశ్వరీ త్రైత్రీశాఖా తైత్రవివేకదా ।
తోరణాన్వితగేహస్థా తోరణాసక్తమానసా ॥ ౨౦౨॥
తోలకాస్వర్ణసన్దాత్రీ తౌలకాస్వర్ణకఙ్కణా ।
తోమరాయుధరూపా చ తోమరాయుధధారిణీ ॥ ౨౦౩॥
తౌర్యత్రికేశ్వరీ తౌర్యన్త్రికీ తౌర్యన్త్రికోత్సుకీ ।
తన్త్రకృత్తన్త్రవత్సూక్ష్మా తన్త్రమన్త్రస్వరూపిణీ ॥ ౨౦౪॥
తన్త్రకృత్తన్త్రసమ్పూజ్యా తన్త్రేశీ తన్త్రసమ్మతా ।
తన్త్రజ్ఞా తన్త్రవిత్తన్త్రసాధ్యా తన్త్రస్వరూపిణీ ॥ ౨౦౫॥
తన్త్రస్థా తన్త్రజా తన్త్రీ తన్త్రభృత్తన్త్రమన్త్రదా ।
తన్త్రాద్యా తన్త్రగా తన్త్రా తన్త్రార్చ్చ్యా తత్రసిద్ధిదా ॥ ౨౦౬॥
ఇతి తే కథితన్దివ్యఙ్క్రతుకోటిఫలప్రదమ్ ।
నామ్నాం సహస్రన్తారాయాస్తకారాద్యం సుగోపితమ్ ॥ ౨౦౭॥
దానయ్యజ్ఞస్తపస్తీర్త్థవ్రతఞ్చానశనాదికమ్ ।
ఏకైకనామజమ్పుణ్యం సన్ధ్యాతుర్గదితమ్మయా ॥ ౨౦౮॥
గురౌ దేవే తథా మన్త్రే యస్య స్యాన్నిశ్చలా మతిః ।
తస్యైవ స్తోత్రపాఠేఽస్మిన్సమ్భవేదధికారితా ॥ ౨౦౯॥
మహాచీనక్రమాభిన్నషోఢాన్యస్తకలేవరః ।
క్రమదీక్షాన్వితో మన్త్రీ పఠేదేతన్న చాన్యథా ॥ ౨౧౦॥
గన్ధపుష్పాదిభిర్ద్ద్రవ్యైర్మకారైః పఞ్చకైర్ద్ద్విజః ।
సమ్పూజ్య తారావ్విధివత్పఠేదేతదనన్యధీః ॥ ౨౧౧॥
అష్టమ్యాఞ్చ చతుర్ద్దశ్యా సఙ్క్రాన్తౌ రవివాసరే ।
శనిభౌమదినే రాత్రౌ గ్రహణే చన్ద్రసూర్యయోః ॥ ౨౧౨॥
తారారాత్రౌ కాలరాత్రౌ మోహరాత్రౌ విశేషతః ।
పఠనాన్మన్త్రసిద్ధిః స్యాత్సర్వజ్ఞత్వమ్ప్రజాయతే ॥ ౨౧౩॥
శ్మశానే ప్రాన్తరే రమ్యే శూన్యాగారే విశేషతః ।
దేవాగారే గిరౌ వాపి స్తవపారాయణఞ్చరేత్ ॥ ౨౧౪॥
బ్రహ్మహత్యా సురాపానం స్తేయం స్త్రీగమనాదికమ్ ।
గురుతల్పే తథా చాన్యత్పాతకన్నశ్యతి ధ్రువమ్ ॥ ౨౧౫॥
లతామధ్యగతో మన్త్రీ శ్రద్ధయా చార్చ్చయేద్యది ।
ఆకర్షయేత్తదా రమ్భామ్మేనామపి తథోర్వశీమ్ ॥ ౨౧౬॥
సఙ్గ్రామసమయే వీరస్తారాసామ్రాజ్యకీర్త్తనాత్ ।
చతురఙ్గచయఞ్జిత్వా సర్వసామ్రాజ్యభాగ్భవేత్ ॥ ౨౧౭॥
నిశార్ద్ధే పూజనాన్తే చ ప్రతినామ్నా ప్రపూజయేత్ ।
ఏకైకకరవీరాద్యైర్మన్దౌర్నీలవారిజైః ॥ ౨౧౮॥
గద్యపద్యమయీవాణీ భూభోజ్యా చ ప్రవర్త్తతే ।
పాణ్డిత్యం సర్వశాస్త్రేషు వాదీ త్రస్యతి దర్శనాత్ ॥ ౨౧౯॥
వహ్నిజాయాన్తకైరేతైస్తారాద్యైః ప్రతినామభిః ।
రాజన్యం సర్వరాజేషు పరకాయప్రవేశనమ్ ॥ ౨౨౦॥
అన్తర్ద్ధానఙ్ఖేచరత్వమ్బహుకాయప్రకాశనమ్ ।
గుటికా పాదుకా పద్మావతీ మధుమతీ తథా ॥ ౨౨౧॥
రసం రసాయనాః సర్వాః సిద్ధయః సముపస్థితాః ।
కర్పూరాగరుకస్తూరీచన్దనైః స/య్యుతైర్జ్జలైః ॥ ౨౨౨॥
మూలం సమ్పుటితేనైవ ప్రతినామ్నా ప్రపూజయేత్ ।
యక్షరాక్షసగన్ధర్వా విద్యాధరమహోరగాః ॥ ౨౨౩॥
భూతప్రేతపిశాచాద్యా డాకినీశాకినీగణాః ।
దుష్టా భైరవవేతాలాః కూష్మాణ్డాః కిన్నరీగణాః ॥ ౨౨౪॥
భయభీతాః పలాయన్తే తేజసా సాధకస్య చ ।
మన్త్రజ్ఞానే సముత్పన్నే ప్రతినామ్నా విచారయేత్ ॥ ౨౨౫॥
మన్త్రసమ్పుటితేనైవ తస్య శాన్తిర్బ్భవేద్ధ్రువమ్ ।
లలితా వశమాయాతి దాస్యతాయ్యాన్తి పార్త్థివాః ॥ ౨౨౬॥
అగ్నయః శీతతాయ్యాన్తి జపాకస్య చ భాషణాత్ ।
ఏకావర్త్తనమాత్రేణ రాజభీతినివారణమ్ ॥ ౨౨౭॥
వేలావర్తనమాత్రేణ పశువృద్ధిః ప్రజాయతే ।
దశావృత్యా ధనప్రాప్తిర్విశత్యా రాజ్యమాప్నుయాత్ ॥ ౨౨౮॥
శతావృత్యా గృహే తస్య చఞ్చలా నిశ్చలా భవేత్ ।
గఙ్గాప్రవాహవద్వాణీ ప్రలాపాదపి జాయతే ॥ ౨౨౯॥
పుత్రపౌత్రాన్వితో మన్త్రీ చిరఞ్జీవీ తు దేవవత్ ।
శతద్వయావర్త్తనేన దేవవత్పూజ్యతే జనైః ॥ ౧౩౦॥
శతపఞ్చకమావర్త్త్య స భవేద్భైరవోపమః ।
సహస్రావర్త్తనేనైవ మన్త్రస్తస్య స్వసిద్ధిదః ॥ ౧౩౧॥
తస్మిన్ప్రవర్త్తతే సర్వసిద్ధిః సర్వార్థసాధినీ ।
పాదుకాఞ్చనవేతాలాపాతాలగగనాదికమ్ ॥ ౨౩౨॥
వివిధా యక్షిణీసిద్ధిర్వ్వాక్సిద్ధిస్తస్య జాయతే ।
శోషణం సాగరాణాఞ్చ ధారాయా భ్రమణన్తథా ॥ ౨౩౩॥
నవీనసృష్టినిర్మాణం సర్వఙ్కర్త్తుఙ్క్షమో భవేత్ ।
ఆయుతావర్త్తనేనైవ తారామ్పశ్యతి చక్షుషా ॥ ౨౩౪॥
లక్షావర్త్తనమాత్రేణ తారాపతిసమో భవేత్ ।
న కిఞ్చిద్దుర్ల్లభన్తస్య జీవన్ముక్తో హి భూతలే ॥ ౨౩౫॥
కల్పాన్తేన తు తత్పశ్చాత్తారాసాయుజ్యమాప్నుయాత్ ।
యద్ధి తారాసమా విద్యా నాస్తి తారుణ్యరూపిణీ ॥ ౨౩౬॥
న చైతత్సదృశం స్తోత్రమ్భవేద్బ్రహ్మాణ్డమణ్డలే ।
వక్త్రకోటిసహస్రైస్తు జిహ్వాకోటిశతైరపి ॥ ౨౩౭॥
న శక్యతే ఫలవ్వక్తుమ్మయా కల్పశతైరపి ।
చుమ్బకే నిన్దకే దుష్టే పిశునే జీవహింసకే ॥ ౨౩౮॥
సఙ్గోప్యం స్తోత్రమేతత్తద్దర్శనేనైవ కుత్రచిత్ ।
రాజ్యన్దేయన్ధనన్దేయం శిరో దేయమథాపి వా ॥ ౨౩౯॥
న దేయం స్తోత్రవర్యన్తు మన్త్రాదపి మహోద్యతమ్ ।
అనులోమవిలోమాభ్యామ్మూలసమ్పుటితన్త్విదమ్ ॥ ౨౪౦॥
లిఖిత్వా భూర్జ్జపత్రాదౌ గన్ధాష్టకపురస్సరైః ।
ధారయేద్దక్షిణే బాహౌ కణ్ఠే వామభుజే తథా ॥ ౨౪౧॥
తస్య సర్వార్త్థసిద్ధిస్స్యాద్వహ్నినా నైవ దహ్యతే ।
తద్గాత్రం శస్త్రసఙ్ఘైశ్చ భిద్యతే న కదాచన ॥ ౨౪౨॥
స భూమివలయే పుత్ర విచరేద్భైరవోపమః ।
వన్ధ్యాపి లభతే పుత్రన్నిర్ద్ధనో ధనమాప్నుయాత్ ॥
నిర్విఘ్నో లభతే విద్యాన్తర్కవ్యాకరణాదికామ్ ॥ ౨౪౩॥
ఇతి నిగదితమస్యాస్తాదినామ్నాం సహస్రం-
వ్వరదమనునిదానన్దివ్యసామ్రాజ్యసఞ్జ్ఞమ్ ।
విధిహరిగిరిశాదౌ శక్తిదానైకదక్షం
సమవిధిపఠనీయఙ్కాలితారాసమజ్ఞైః ॥ ౨౪౪॥
ఇతి శ్రీ బ్రహ్మయామలే తారాయాస్తకారాది సహస్రనామ స్తోత్ర సంపూర్ణం ॥
Leave a Comment