శ్రీ జగన్నాథ పంచకం (Sri Jagannatha Panchakam)
రక్తాంభోరుహదర్పభంజనమహా సౌందర్య నేత్రద్వయం ముక్తాహార విలంబిహేమ ముకుటం రత్నోజ్జ్వలత్కుండలం |
వర్షామేఘసమాననీలవపుషం గ్రైవేయహారాన్వితం పార్శ్వే చక్రధరం ప్రసన్నవదనం నీలాద్రినాథం భజే || 1 ||
ఫుల్లేందీవరలోచనం నవఘనశ్యామాభిరామాకృతిం విశ్వేశం కమలావిలాసవిలసత్పాదారవిందద్వయం |
దైత్యారిం సకలేందు మండితముఖం చక్రాబ్జహస్త ద్వయం వందే శ్రీపురుషోత్తమం ప్రతిదినం లక్ష్మీ నివాసాలయం || 2 ||
ఉద్యన్నీరద నీలసుందరతనుం పూర్ణేందుబింబాననం రాజీవోత్పలపత్రనేత్రయుగలం కారుణ్య వారాంనిధిం |
భక్తానాం సకలార్తినాశనకరం చింతార్థిచింతామణిం వందే శ్రీపురుషోత్తమం ప్రతిదినం నీలాద్రి చూడామణిం || 3 ||
నీలాద్రౌ శంఖమధ్యే శతదలకమలే రత్నసింహాసనస్థం సర్వాలంకారయుక్తం నవఘన రుచిరం సంయుతం చాగ్రజేన
భద్రాయా వామభాగే రథచరణయుతం బ్రహ్మరుద్రేంద్రవంద్యం వేదానాం సారమీశం సుజనపరివృతం బ్రహ్మదారుం స్మరామి || 4 ||
దోర్భ్యాం శోభితలాంగలం సముసలం కాదంబరీచంచలం రత్నాఢ్యం వరకుండలం భుజబలైరాకాంతభూమండలం |
వజ్రాభామలచారుగండయుగలం నాగేంద్రచూడోజ్జ్వలం సంగ్రామే చపలం శశాంకధవలం శ్రీకామపాలం భజే || 5 ||
ఇతి శ్రీ జగన్నాథ పంచకం సంపూర్ణం ||
Leave a Comment